Marian Rivera sa pagkakaroon ng buong pamilya: “Coming from a broken family, isa ‘yan sa mga wish ko talaga.”

Marian Rivera sa pagkakaroon ng buong pamilya: "Coming from a broken family, isa ‘yan sa mga wish ko talaga."

Ibinahagi ni Marian Rivera na labis niya raw na hiniling sa Diyos ang magkaroon ng buong pamilya.

Sa isang exclusive interview ng celebrity hairstylist na si Celeste Tuviera, ibinahagi ni Marian Rivera na labis niya raw na hiniling sa Diyos ang magkaroon ng buong pamilya.

Marian Rivera sa pagkakaroon ng buong pamilya: “Kahit simpleng buhay basta masaya at buo”

Sa exclusive interview sa Youtube channel ng hairstylist na si Celeste Tuviera, masayang ibinahagi ni Marian Rivera na hiniling niya raw sa Diyos ang pagkakaroon ng buong pamilya.

“Sabi ko, ‘Lord gusto ko magkaroon ako ng isang pamilya, isang asawa na magiging responsable at bibigyan ako ng anak. Kahit simpleng buhay basta masaya at buo.’

Kasi coming from a broken family, isa ‘yan sa mga wish ko talaga at pinapanalangin ko talaga ng taimtim ‘yan,”

marian rivera

Larawan kuha mula sa Instagram account ni Marian Rivera

Ibinahagi niya rin na siya ay galing sa isang broken family. Kaya nga sa kabila ng pagiging artista, ayos lang sa kanya ang simpleng buhay basta masaya at buo ito.

Ayon din sa aktres, ay noong una wala siyang naramdamang “spark” sa pagitan nila ng asawang si Dingdong Dantes.  Hindi niya raw napansin na si Dingdong na pala ang binigay ng Diyos para sa kanyang mga kahilingan,

“Si Dong talaga ‘yong pinakasagot ko sa mga prayer ko na nandyan lang pala.”

Dagdag pa ni Marian Rivera,

“Kakapanalangin ko talaga at maraming mga signs na binibigay si Lord sa akin na si Dong talaga ‘yong nandoon. Siya talaga.”
marian rivera

Larawan kuha mula sa Instagram account ni Marian Rivera

Isa pa sa ibinahagi ng aktres ay ang pagmamahalan ng dawalang anak na si Maria Letiza Dantes at Jose Sixto IV.

“Si Sixto mahal na mahal niya ang ate niya.” Dahil daw dito ay ginagawa ng bunso parati ang ginagawa ng kanyang ate.

Ayon din kay Marian Rivera ay namili siya nang mabuti sa magiging ninong at ninang ng mga anak. Naniniwala raw kasi siya na kung darating ang panahon na may mangyayari sa kanilang mag-asawa ay naririyan ang mga ninong at ninang para gabayan ang kanilang anak.

Dagdag pa niya,

“Gusto ko may koneksyon sa amin. Naniniwala ako na kapag kinuha kita bilang ninang, magiging mabuti kang nanay ni Sixto. Just in case na hindi ko kaya. Just in case mawala ako nandiyan ka para sa kanya.”

Matatandaang ginanap ang kasalang Marian Rivera at Dingdong Dantes sa Immaculate Conception Cathedral sa Quezon City noong taong 2014 na tinawag na “Royal Wedding.”